自問做0左三十年人, 真係冇咩成就, 仍然每日在學習 ~但我自細開始, 對於文字和書本都有一份抗拒感覺,
特別係中文, 加上自己懶, 考試又唔讀書, 所以....
只好在''社會大學''辛勤工作啦 !!
家庭, 老師, 同學, 朋友, 教會的弟兄姊妹, 培養出廿多歲的我 ~
樂觀, 積極, 有愛心, 是我對自己的理解 !
悲觀, 懶散, 冷漠, 是對我了解的人告訴我的 ~
分別太大了, 所以我安慰自己''人人都有精神分裂'' !
聖經羅馬書是我成長時候的幫助, 至少, 保羅心中也有兩個律,
(一個要佢做好人, 一個要佢做壞人, 叫佢唔知點好 ~ )
最後佢以相信基督為義, 甘心作義的奴僕, 諗通0左 ~
他激勵了我, 我相信精神分裂都有出路的 !
另外, 我做過一個大心理測驗,
這些性格真係適合做''電視製作'' ! (係咪真係冇入錯行呢 ?)
人浮於事
離開溫室之後, 身邊人的''面口''不再是自己選擇,
每一日做的事變得身不尤己, 做錯事, 唔會有人幫你改正,
行0左幾多路, 做0左幾多0野, 老闆都冇幾可見到 !
老闆, 你都可以選擇, 唔打哩份工都得 (海嘯前就係 ...) !
同事, 大多時候你都冇得揀 ~
感謝神! 我多數共事的都幾好, 但夾不來的同事,
我漸漸發覺他們的共通點, 就係有點似我 !
慨嘆自己太多缺點吧, 連自己都頂唔順!
但咁樣都唔錯, 見過這些''反面教材'',
我可以慢慢學習改變自己的缺點 ~
羅馬書: 只要心意更新而變化,
叫你們察驗何為神的善良, 純全, 可喜悅的旨意!
生有限 活無限
07-08年在澳洲近一年的生活, 最大得著當然係
同老婆有更多相處時間, 一同面對逆境啦 !
另外也親身體會到, 不論是華人或是澳洲人,
他們大都很享受生活!
可能香港工作太忙, 太辛勞了, 放假就只想休息, 睡晚一點,
全無閒情做些令自己開心的事 ~
恰好, 我這個懶人就係要這種工作態度, 做完就收工!
Enjoy Life vs 錢 … 唔洗諗太多啦, 逾諗逾辛苦 ~
活多三十年
三十歲, 好多個人價值觀已經建立0左: 家庭朋友關係;
音樂; 旅行; 認識上帝; 愛惜地球; 我會放得較重要的位置 ~
耶和華是我的力量, 我可以虛心學, 勇感試...
但年紀漸長, 發覺世界並唔容易被你改變, 自己的能力也有限,
咩都做唔到的時候, 只怕自己很快成為''老油條''…
感恩, 老婆細我少少, 成日提我: “唔好嘆氣啦 !”
鼓勵0下我 ~ 等我唔會老得咁快, 至少半年先啦 !
歌林多後書 5:17
''若有人在基督裡, 他就是新造的人, 舊事已過, 都變成新的了''
Best wishes
時
2009/02/26
