做DJ．報新聞

上兩個星期, 我有一個有趣經歷, 就係去澳洲華人電台做一個早晨節目(講廣東話) ! 我可以自已播歌, 自己讀報紙, 仲有新聞簡報! 一個半小時自己一個「一腳踢 」! 兩個星期, total 做左七日, 真係好搞笑 ~ 最後一日做節目, 就正正係2008北京奧運聖火响澳洲坎培拉運送0既一日, 要話俾聽眾聽火炬跑緊, 心情又緊張又興奮 ! 然後自己睇web 搵料, 在新聞簡報中報導, 都幾好玩 !
27/4 在中央浸信會碰上”小女鞋 大背囊” 的作者 Vivian, 好高興同佢傾在幾句! 我同佢講自己睇過佢本書, 自己都係 “backpacker”, 問候0下佢之後大家就分開了! 佢話半年之後, 都要返香港「面對現實」 !
我諗, 我都係時候「面對現實」了!

時

令我難過

曾經，有一位新聞報導員，吸引我去睇體育新聞，對於Sport我一竅不通，只係為了聽佢自成一格０既幽默報導，即使內容唔係次次都0岩我聽，但聽過這位老人家「一輪咀」咁講說話，總會覺得會心微笑．
「由細睇到佢大」，新聞工作者當中佢一直係我偶像，新聞完結之前，佢總會送俾觀眾一份最精彩小禮物，令我多留到最後一刻；常常聽佢講故仔，感覺就好似一早己經認識０既老伯伯一樣，佢０既離開，冇人可以代替．
回顧，佢幽默而認真，日復日，年復年，盡全力去完成自己只有「三分鐘０既工作」，觀眾可以見證，佢０既仔亦以佢為榮．
6月17日，人生最後一程，響六點半無線新聞完結之前，佢都要跟同事玩一個黑色幽默，最後十秒，要報導自己同事剛剛去世，真係．．．

感觸一個一直希望退休０既老伯伯終於離去，伍晃榮逝世令我難過．
時
2008/4/19

4 月分享

Cairns之旅
潛水喎 ~ !! 出發前我們還在猶豫…
坐上往大堡礁0既飛翼船, 直飛一望無際０既大海, 實在叫人興奮.
5天行程, 三日出海 !
第一日已經玩「浮潛」, Green Island 不單有珊瑚, 有d熱帶魚, 仲有魔鬼魚 !! 佢個身只有半個寢頭咁大, 咖啡色, 全身鮮藍色波波紋, 突然從沙中轉出來, 在眼前遊過 ~ 驚唔驚先 !!
中間兩日, 踏吓 火車+SkyRail, 遊吓熱帶雨林+睇動物, 坐玻璃船+瞓吓沙灘 ~ Relax ~
Day 4, 今次最遠0既Great Barrier Reef, 終於出發, 立即俾錢學潛水 ~ 經過令人「作嘔」 0既船程, 心情一樣熱血沸騰! 教練快手幫我地著上潛水衣和裝備, 就叫我地自己行落水, 氧氣樽加埋蛙鞋, 我同Priscilla 都行得好辛苦 !
落到水, 好冷凍, 又驚耳仔壓力太大出事, 所以落得特別慢… 最後當然OK啦 ~
呼吸還未穩定, 第一件事, 有個Professional 攝影師幫你映張相先 ! (唔係點”握”你錢呀! ) 之後教練就同我地介紹水底生物, 有D識得開合0既珊瑚, 又有D寄生珊瑚上0既小動物等等 ~
大大小小0既魚出現, 都令我非常興奮, 尤其是大海龜出現 (竟然係攝影師用食物引佢出來0既! ) , 但係海龜哥哥實在太可愛啦, 當然要同佢玩下啦! 不過我冇0野食俾佢, 只有摸摸佢隻手, 就要同佢 Say Good-Bye !
不過之後玩浮潛都有機會見到海龜哥哥! 你哋見到我同Priscilla 同海龜一齊映嗰張相就係這時映, 係咪好靚哩 ! 多謝 Aus $20 一張 ~
潛水０既經驗真係好好, 離開你一切熟悉0既環境, 睇d你只有睇電視才見到0既珊瑚 & 魚, 完全投入大海, 我十分Enjoy 同 Relax, 但係其實都好驚, 身處大海之中, 所有東西都在”郁”, 呼吸有困難, 只有氧氣樽, 耳壓又係問題, 但係我會提議所有人都試一試 !! 非常值得一去０既大堡礁 !

返回Sydney工作, 繼續得個做字, 又累又辛苦… 我已經有”回家”0既念頭 ~
返工幾日, 仲 ”整親” 個頭, 感恩只係小事, 不過, 都係時候計劃一吓了 …

特別介紹, 澳洲0既 “Easter Show” ( 有d 似香港0既工展會 + 冬季嘉年華, 不過大型好多) 在Olympic Park, 有得睇動物 & 餵羊仔 !最勁係响一個超大0既運動場入面放煙花, 加上強勁音樂同Laser, 靚絕 ~
!
時
6 Apr, 2008